శార్దూలము :

భావం : సర్వేశ్వరుడు అన్ని లోకాలకు ప్రభువు. అతడు పరిపూర్ణ మైన శక్తి కలవాడు. అన్ని లోకాలలో ఉండే అందరకు , అన్ని జీవాలకు అతడు ఆరాదించదగినవాడు. అటువంటి వానిని ఎవరైతే తన లోలోపల భావించుకుని ఏకాగ్ర మైన మనస్సుతో సాధన చేసి ఆ పరమాత్ముని దర్శనాన్ని పొంద గలుగుతారో ఖచ్చితంగా అటువంటివాడే లోకంలో " సిద్ధుడు" అనిపించుకుంటాడు. అతడే ఐహిక బంధాలనుండి ముక్తిని పొంద గలుగుతాడు.

శార్దూలము :

భావం : పాతాళం నుంచీ ఆకాశం వరకు ఉన్న ఈ బ్రహ్మాండమంతావ్యాపించియున్న ఓ మహానుభావా! మహాదేవా! తెల్లని స్ఫటిక లింగంలో అణుశక్తి రూపంలో ప్రకాశించే ఓ పరమాత్మా ! శిఖ పై ప్రకాశించే పూర్ణ చంద్రుని యొక్క చల్లని అమృత కిరణాలతో మాకు పుణ్యాన్ని ప్రసాదించే ఓ అమృత మూర్తీ ! ప్రతి నిత్యమూ కూడా మేం నీకు అభిషీకాలు మొదలైన పూజలన్నిటినీ చేస్తాము. వాటిని స్వీకరించడానికి రారా స్వామీ ! మమ్మల్ని పాలించారా! మూడు కన్నులు కలిగి త్రిలోకాలలోనూ మమ్మల్ని కనిపెట్టి చూసే ఓ శంకరా ! ఎల్లా లోకాలకూ అధిపతివైన నువ్వు మమ్మల్ని రక్షించరా స్వామీ !!

చంపకమాల :

భావం: శరీర మనేది అణువణువూ కలిసి ఏర్పడింది. అలాగే చేసుకున్న కర్మ ఫలాలన్నీ కూడా ఈ శరీరాన్ని పట్టుకుని లెక్కలు వేసుకుని తమతమ ప్రభావాలను చూపిస్తూ ఉంటాయి. అయితే వీటికి వెనక ఉండి నడిపించే కారణ రూపుడు - ఎవ్వరిమీదా -ఎటువంటి అభిమానాలు కానీ దురభిమానాలు కానీ పెట్టుకోకుండా -ఏమీ పట్టకుండా నడిపించుకుపోయే నిరామయ మూర్తి పరమేశ్వరుడే కదా! లోకంలో ఉన్న ప్రాణి కోటి అందరిలోనూ ఉన్న ప్రాణం ఓ ఈశ్వరా నీవే కదయ్యా ! ఇది గమనించకుండా రకరకాల భేద భావాలతో ఉన్న పుణ్య కాలమంతా కొట్టుకుంటున్నాం -సత్యాన్ని గమనించలేక కళ్ళున్న గుడ్డి వాళ్ళం అవుతున్నాం