పెద్ద బాలశిక్షలో పిల్లలు పాట ఇది. కాని అర్థం మాత్రం చాలా లోతైనది. 'పరోపకారార్థమిదం శరీరం' అన్న పరమార్థాన్ని బోధిస్తున్నది. ఈ పాటకు ప్రతిగా సిలికానాంధ్ర పిల్లలు స్పందించారు. సిలికానాంధ్ర కూచిపూడి గ్రామాన్ని దత్తత తీసుకొన్న విషయం తెలిసిందే. అక్కడ పాఠశాలల్లోని సౌకర్యాలను మెరుగు పరచటానికి అమెరికాలోని పిల్లలు నిధులు సేకరించటానికి కొంగ్రొత్త ఆలోచనను అమలు పరిచారు. అదియే 'Skip for SKIP'. దాత ఇచ్చే ప్రతి డాలర్ కి అబ్బాయి/అమ్మాయి ఒకసారి తాడుపై ఎగిరారు. ఈ ఆటనే ఆంగ్లంలో Rope Jumping, Skipping అంటారు. విరాళానికి విరాళం, శరీరానికి వ్యాయామం, సంతోషానికి సంతోషం, తోటిపిల్లలకు చేతనైనంత సహాయం చేశామనే తృప్తి లభించాయి. ఈ నెల ముఖచిత్రంపై ఉన్న ఫోటోలు ఈ కార్యక్రమానికి సంబంధించినవే. ఈ పథకాన్ని వచ్చే నెలల్లో అమెరికాలోని అన్ని రాష్ట్రాల్లోకి, ఇతర దేశాల్లొకి వ్యాప్తి చేయాల్లన్నది సిలికానాంధ్ర సంకల్పం. మీ అందరి ఆశీస్సులు, శుభాకాంక్షలు అందజెయ్యండి.