పద్యం-హృద్యం

ఆ.వె.// దొరల సాని ఎటుల దొరసాని అయ్యెనో?
మంత్ర సాని యేమి మంత్రమేయు!
పంతులమ్మ యనిన పంతులకమ్మయా
తెలుగువానికైన తెలియ తరమె

సీ// రౌడీలవేనయా రాజ్యముల్ భాగ్యముల్, రాజులీరోజు వారల వశంబు!
సానులకేదది సాధ్యంబుకాదయా, సొమ్మెంతచేరునో సొగసులివ్వ!
రౌడిలుదొరలవ్వ రౌడిసానులు కార దొరసానులిటులనే దొరలతోడ!
దొరలసాని ఎటుల దొరసాని అయ్యెనో? దొరలంటె అర్థాలె మారె నేడు!

తె.గీ.//స్వార్థమేలేక ప్రేమైన సాగదిచట!
వ్యర్థమీనేల తెలిసినా వదలలేను!
అర్థమెటులవ్వు మారేటి అర్థమందు,
ఏమి విధ్వత్తు నాకున్న రామచంద్ర!

సీ// దొరల సాని ఎటుల దొరసాని అయ్యనో, తెలియజేతు నిపుడు తెలుసుకొనుము
ఎంతవారైనను కాంతదాసులుకార, తరుణి వలపుతోడ దరికిచేర!
వగలు ఒలకబోసి, వయ్యారములుపోయి, సిగన పూలు తురిమి, సెంటు పూసి
దొరల సాని అటుల దొరసాని అయ్యెరో, చెంత చేరి అతని చెలిమి చేసి!

సీ:// తన్మాత్రపంచకతత్స్వరూపంబును తన్మయత్వంబున తల్లిగాంచె !
ఆకాశ శబ్దంబు, ఆ వాయు శ్పర్శయు తేజస్సు రూపమై తెలుపుచుండ,
పుడమి గంధాలతో పుణ్యజలాసారములు కలబోసిన మూర్తిమంత
హనుమంత విశ్వరూపానుభవంబులే, తద్రూప భాగ్యంబె తనవి కాగ !

తే.గీ: రుద్ర యంశన వాయుపుత్రుండు వాడు,
పంచసాయకుని రూపాన మించి నాడు,
విష్ణుభక్తుడై వీరాధివీర హనుమ!
ఏమికోరని యోగయా రామచంద్ర!