పద్యం-హృద్యం

(మన తెలుగు భాషా సంస్కృతి లో ఒక ముఖ్య భాగమైన సమస్యా పూరణ నిర్వహణని అభినందిస్తూ పంపారు. ప్రసాద్ గారూ, ధన్యవాదాలు),

రెండవ పూరణ - పుల్లెల శ్యామసుందర్, శాన్ హోసే,

మూడవ పూరణ - కె.వి.యస్. శ్రీరాం, బెంగళూరు

("ఎందరో మహానుభావులు.." కీర్తనలో రామచంద్రుని "చందురు వర్ణుడు" అని వర్ణించారు శ్రీత్యాగరాజులు)

మరొక పూరణ (ఒక భౌతిక వాది మాటల్లో)

(పద్యం హృద్యం శీర్షికను ఎంతో ప్రశంసిస్తూ వ్రాసారు. మా ధన్యవాదాలండీ!))

నాల్గవ పూరణ - తల్లాప్రగడ, శాన్ హోసే,

కం:// చిందులు తొక్కితివేలా సందులు గొందులు వెదకుచు సత్యము కొరకై! విందున అందిన మదువుల నందున సోడాను కలపినదెవరననుచూ!

(నా స్నేహితుడొకడికి విస్కీలో సోడా కలిపితే మహా చెడ్డ చికాకు లెండి!)

ఐదవ పూరణ - రానారె (రామనాధ రెడ్డి ఎర్రపు రెడ్డి)

కం:// కుందనపు బొమ్మనేలక నంధతనొక్కడు, నడిచెద నాకము ననుచున్ పెందలకడనే వెడలెను సందులు గొందులు వెదకుచు సత్యము కొరకై

ఆరవ పూరణ - మాజేటి సుమలత, బెంగుళూరు,

కం:// ఎందును అగుపడలేదని సందులు గొందులు వెదకుచు సత్యము కొరకై ఎందెందున వెదకదవే విందుగ వున్నది వెదకిన అందరిలోనూ!

ఏడవ పూరణ - డా:// రెజీనా గుండ్లపల్లి, రీడర్, తెలుగు శాఖాధ్యక్షురాలు, విజయవాడ,
(ఆంధ్రప్రదేశ్ ఉత్తమ అధ్యాపక పురస్కార గ్రహీత)

కవిత:// స్తుతమతియైన ఆంధ్రకవి ధూర్జటి పలుకులకేల గలిగేనో అతులిత మాధురీ మహిమ ...... హా తెలిసెన్ వారవనితా జనితాపహార మధురసుధా రసముల గ్రోలుటన్" అన్నది వికట కవి పలుకులు. మరి నేటి సిద్ద, సాధ్య, యతి, మునిపుంగవులు టక్కు టమార, గజకర్ణ గోకర్ణ విద్యామాంత్రికులు వారకాంతలకై యెందెందు వెతకెడు విటులు సంసార జీమూతములచే త్రెళ్ళక స్రుక్కెడు సంసారులు బ్రతుకంత సుఖములకై వెతకి వేసారిదోసిన నిర్బాగ్యులు విద్యలో మర్మములన్ని తెలిసికొంటినన్న విద్యార్ధులు ధనం మూలమిధం జగత్తని తనివితీరని ధనమధాంధులు పరిశొధనతో తృప్తి చెందక సృష్టికి ప్రతిసృష్టి చేసెడు శాస్త్ర పిపాసులు అడవికాచిన వెన్నెల జీవితమయినదని విలపించు వృద్ధ కన్యలు అనాధలు, అవిశ్వాసులు, మాదకద్రవ్యప్రియులు, సంఘ విద్రోహులు తెప్పరిల్లి చివరకు చేరుకోవలసిన దారి, తెలిసిన లోకం సందులు గొందులు వెదకుచు సత్యము కొరకై!

పాఠకుల నుంచీ ఇంకొన్ని మంచి పద్యాలు: పుల్లెల శ్యామసుందర్ గారు మన ఆంధ్ర కుటుంబ శిభిరం (andhra family camp) నుంచీ తిరిగి వచ్చాక వారికి కలిగిన అనుభూతులను ఈ విధంగా వివరించారు

శుక్రవారం రాత్రి గురించి:

ఉహుహూ అని వణుకు చలిలొ హహహా అని నవ్వు నిచ్చె హైదర బాద్మే రహనే వాలోం కీబోల్ శహభాష్! అది మంచి స్కిట్టు చక్కిలి గిలితో

శనివారం రాత్రి గురించి:

పచ్చిక బయలును మీరొక రచ్చగ మార్చితిరి మంచి లైటింగ్ తోడన్ వచ్చిన జనులందరు నిక అచ్చెరువుతొ చూచిరి మన ఆంధ్రుల ప్రతిభన్

వంటల గురించి:,

పప్పును కూరయు పులుసును ఘుప్పున వేసిన పోపుతొ ఘుమఘుమ లాడెన్ అప్పడముతోడ ఆ రుచి చెప్పగ నావల్ల తరమె, సిలికానాంధ్రా!!

భక్త హనుమ -- తల్లాప్రగడ

సందర్బం: అశోకవనంలో హనుమంతుడు సీతామ్మవారితో తన పరిచయం అయ్యాక చూడామణిని శ్రీరామచంద్రులవారి జ్ఞాపికగా సీతకు ఇచ్చాడు. ఎలాగంటే,