అమరుల ఓకము కావున
విమలమునై కానబడును విహరించు నెడన్
సమమగు చూపుల నెల్లరి
గమనించుట కానబడును గాదె మనుజులన్ !
ఎన్నెన్ని యందములకో
వన్నెలు దిద్దించు ప్రకృతి పలు తావులలో
వెన్నెల వలె మదిని దోచి
విన్నాణమునందజేసి విలువల నింపున్ !
గిరులును ఝరులును తరువులు
పరిమళముల నింపు పుష్పవనములు గృహముల్
పరికింపగ గలవెన్నో
సురుచిరమౌ దేశమందు చూడగ వెడలన్ !
సుజనుల రంజన జేసెడి
నిజసేవాసంస్థలిచట నిలిచినవెన్నో
ప్రజలకు తెలుగును పంచుచు
విజయోత్సవములను జరిపి వెలుగుల గాంచున్ !
ప్రేరణజేయును కవులకు
పూరించును కళల దీప్తి భువనము నిండన్
కారణ మాయెను ప్రగతికి
తోరణమై విజయములకు దోహదమొసగున్ !
నేనిట అల్లిన కావ్యము
వేనోళ్ళ సుశంసలంది వెలిగె జగతిలో
కాన నుతించెద నీ ధర
నూనముగా స్వర్గమనుట నూత్నత నింపున్!
మీ అభిప్రాయాలు, సలహాలు మాకెంతో అవసరం. దయచేసి మీ అభిప్రాయం ఈ క్రింది పెట్టెలో తెలపండి. (Please leave your opinion here)
|
|
|
గమనిక: మీ విద్యుల్లేఖా చిరునామా ఎవరితోనూ పంచుకోము; అనవసర టపాలతో మిమ్మలను వేధించము. మీ అభిప్రాయాలను క్లుప్తంగానూ, సందర్భోచితంగానూ తెలుపవలసినది.
(Note: Emails will not be shared to outsiders or used for any unsolicited purposes. Please keep comments relevant.)
