సర్వధారి : ఆషాఢం

ఢమరుక మూర్తి

మదిలో రస స్ఫూర్తి ఇనుమడించిన వేళ, ప్రపంచంలో తనకున్న శక్తియుక్తులన్నిటినీ కూడదీసుకుని కళాకారుల మనస్సు కళా సృష్టి చేస్తుంది. కొన్ని వందల భావాలు ఒకే చిత్రంతో చెప్పడానికి తన కుంచెను సర్వ రీతుల్లో ఆనందనర్తనమాడిస్తారు చిత్రకారులు. సరిగ్గా ఆ సంగతులను తెలుసుకుని ఆనందిచేదే రసజ్ఞ హృదయం. కుంచె కొసల నుండి జాలువారే వేలాది భావాలను మీ ముందుకు తీసుకువచ్చే ప్రయత్నమే ఈ శీర్షిక. ప్రతి నెలా శ్రీ శేషగిరి రావు గారి చిత్రాలకు వెనుక కథ ఇందులో మీకోసం.....

హిమశిఖర మెలికాంతులు నూతన శోభ కురుస్తుంటే
నీ ధనువు వంకను నీవు దాల్చి
మూలాధారమునుండి సహస్రారంవరకు కైలాసంలానిల్చిన

ఈ థీక్షకు కారణం మేమి||
ఆ అరమోడ్పుకనుల వెనుకదాగిన
ధ్యానయోగ మర్మమేమి

ఈ హఠము,ఈ పద్మాసన స్థితమయము యెందులకు
నీకుతోడుగా డమరుక,శూలమ్ముల నిశ్శబ్దమర్మమేమి

గళమందు నిలిపిన గరళమును
దిగనీయకుండ చేయు యత్నమా---కాదు|

జగద్లయమును సమయము మించకుండ చేయు
ఆలోచనమా-----అసలుకాదు

నీపై-----
మా అనుమానములు కేవలము,చర్మచక్షువులకు,ఇంద్రియములకు
మా మానవమనసులకు
పరిమితులకుమించిన ఆలోచనలకుచెందినవి
అంతే కాని---మరేమి||

జనని పార్వతిగాని,శిరస్సున గంగమ్మ మీద మమతలేని
ఈ ఏకాంత,నిశ్చల తన్మయత్వమేమి

శమదమ నిగ్రహములను రూపుగ నిల్పి
కొలువైనావని-శుభంకరుడవని భావించి
కొలువ వలెనని యున్నది

ప్రణవనాదము-ప్రళయనిశ్శబ్దము దాల్చిన
సామ వేదము సద్దుమణిగినా
నీవు మా కాల ప్రణాళికవే ||

మా మనసులకు శాంతినిచ్చు పశుపతివై
ఆదిమధ్యాంతరహితుడవైన నిన్ను
నిరాకారముగా-నిరామయముగా-నిరంజనముగా
చూచిన తృప్తి కలిగినది
ఈ జన్మమునకు కైవల్యము అబ్బినది ||

మీ అభిప్రాయాలు, సలహాలు మాకెంతో అవసరం. దయచేసి మీ అభిప్రాయం ఈ క్రింది పెట్టెలో విస్తారంగా తెలపండి. వచ్చే సంచికలో ప్రచురిస్తాము. (Please leave your opinion)
పేరు(Name):
విద్యుల్లేఖ (Email):
అభిప్రాయం (Opinion):
	గమనిక: మీ విద్యుల్లేఖా చిరునామా ఎవరితోనూ పంచుకోము; అనవసర టపాలతో మిమ్మలను వేధించము. మీ అభిప్రాయాలను క్లుప్తంగానూ, సందర్భోచితంగానూ తెలుపవలసినది. (Note: Emails will not be shared to outsiders or used for any unsolicited purposes. Please keep comments relevant.)