అందరికాధారమైన ఆదిపురుషుడీతడు
విందై మున్నారగించె విదురునికడ నీతడు
                                                        || అందరి ||

సనకాదులు కొనియాడెడి సర్వాత్మకుడీతడు
వనజభవాదులకును దైవంబైనతడీతడు
యినమండలమున చెలగేటి హితవైభవుడీతడు
మునుపుట్టిన దేవతలకు మూలభూతి యీతడు
                                                       || అందరి ||

సిరులొసగి యశోదయింట శిశువైన తడీతడు
ధరనావుల మందలలో తగరించె నీతడు
సరసతలను గొల్లెతలకు జనవులొసగె నీతడు
అరసి కుచేలుని అటుకులు ఆరగించె నీతడు
                                                       || అందరి ||

పంకజభవునకును బ్రహ్మపదమొసగెను యీతడు
సంకీర్తనాద్యులచే జట్టిగొనియె నీతడు
తెంకిగ నేకాలము పరదేవుదయిన యీతడు
వేంకటగిరిమీద ప్రభల వెలసినఘనుడీతడు

                                                       || అందరి ||

’ఏక మేవాద్వితీయం బ్రహ్మ’ అని వేదం పేర్కొనినట్లు సకల జగత్తునకు, సకల ప్రాణులకు ఆధారభూతుడైన ఈ ఆది పురుషుడు అందరివాడు! ’భక్తి కొలద పరమాత్ముడు’, ’ఎంత మాత్రమున నెవ్వరు దలచిన’ అని అన్నమయ్యే పేర్కొనినట్లు, శ్రీ మహావిష్ణువును ఎవరెవరు ఎలా ఆరాధిస్తారో, వారికి ఆయా రూపాలలో సంతుష్టిని కలుగచేస్తూ, అనుగ్రహిస్తాడు! దానికి ఈ సంకీర్తనయే చక్కని ఉదాహరణ! సనకాదులు కీర్తించే సర్వాత్మకుడు ఈ ప్రభువు! పార్వతీ దేవికి, బ్రహ్మకు ప్రత్యక్ష దైవము ఈతడు! సూర్య మండలంలో నిత్యం ప్రకాశించే వైభవమూర్తి ఈ స్వామి! దేవతల వైభవానికి మూలకారకుడు ఈ మహనీయుడు! రేపల్లెలొ ఆలమందలలో గోపకాడై అల్లరి చేసిన కృష్ణుడీతడు! హృదయ నివేదన చేసిన గొల్లెతలకు చనవును(సామీప్యాన్ని) ప్రసాదించిన బంధువు ఈతడు! బాల్యమిత్రుడైన కుచేలుడు ప్రేమతో సమర్పించిన అటుకులనే అమృతాహారాన్ని స్వీకరించినవాడు ఈ వాత్సల్యమూర్తి! పద్మంలో జన్మించిన బ్రహ్మకి బ్రహ్మ పదవిని ఒసగిన కారుణ్య మూర్తి ఈతడు! అట్టి స్వామి కలియుగంలో సంకీర్తనతో పరవశుడై, ఇహ పరాలకు దేవుడైన ఆ విరాణ్మూర్తి వేంకటగిరి మీద దివ్య ప్రభలతో వెలుగొందుతున్నాడంటున్నాడు అన్నమయ్య!

అరసి=తెలిసికొని, గమనించి

 

 అందరి బ్రదుకులు

అందరి బ్రదుకులు నాతనివే
కందువెల్ల శ్రీకాంతునిదే

                                                      || అందరి ||

వేవము చదివెడి విప్రుల వేదము
సోముక వైరియశో విభవం  
శ్రీమించునమరల జీవనమెల్ల సుల్ల సు 
ధామథునుని సంతతకరుణేతకరుణే

                                                      || అందరి ||

హితవగు నిలలో నీ సుఖమెల్లను
దితిసుత దమనుడు తెచ్చినదే
తతితల్లి తండ్రి తానైకాచిన
రతి ప్రహ్లాద వరదునికృపే

                                                      || అందరి ||

తలకొని ధర్మముతానై నిలుపుటిలుపుట&nb
కలుష విదూరుని గర్వములే
నిలిచిలోకములు నిలిపిన ఘనుడగు
కలియుగమున వేంకట పతియే

                                                       || అందరి ||

 ఈ సమస్త చరాచర విశ్వమంతయూ శ్రీమన్నారాయణుని ఆధీనంలోనిదే! కాబట్టి మనజీవితాలన్నీ ఆ స్వామి చేతిలోనివే! పండితులు నిత్యం పఠించే వేదాలు శ్రీ మహావిష్ణువు యొక్క యశస్సుకు పతాకాలు! సిరి సంపదలతో, సౌభాగ్యాలతో విలసిల్లే దేవతల జీవితాలు అమృత మధనుని కరుణ వల్లే కొనసాగుతున్నాయి. జీవులు అనుభవిస్తున్న సుఖసంతోషాలు రాక్షసాంతకుడైన శ్రీమన్నారాయణుడు అనుగ్రహించినవే! మనందరికీ తల్లితండ్రీ తానే అయి రక్షిస్తున్న ప్రహ్లాద వరదుని కరుణే యిది! పాపాలను పరిహరించి, ధర్మ సంస్థాపన నెరపుతూ, నిఖిల లోకాలను పాలిస్తున్న ఘనుడైన ఆ శ్రీమన్నారాయణుడు ఈ కలియుగంలో వేంకటాచలపతిగా తిరుమలలో కొలువైయున్నాడు అని అంటున్నాడు అన్నమయ్య

 కందువ = జాడ, స్వరూపము; వేమరు = పలుమార్లు; సోముక = సోమకాసురుడు; యశస్సు = కీర్తి;