Sujanaranjani
           
  కవితా స్రవంతి  
         జెట్లాగు
 

రచన:  రాకేశ్వర రావు  

 
 

తెల్లవారు నాలుగింటికి మేడెక్కిన పరదేశీకి

తెలియకుండానే తలనొప్పిమొదలైంది

 

బ్రహ్మముహూర్తఁపు మంచు నాగరాన్ని ఆవారించి

పట్టణానికి మందలుఁ దోలిన మాయకు పోటీకట్టింది

 

ముఱికి తూముల కంపు బట్టల్ని ఆరదీయనుంది

ఆ బట్టలు దాచే కక్కుర్తికిది మెఱుగా? ఏమి?

 

రసికుల కాలయాపనం కాకుండా అపరాత్రాన

మార్గశీర్షమారుతం నక్కినక్కి వీయసాగింది

 

బహుళపంచమిజ్యోత్స్నకు  నగరనక్తంచరగర్ధన

సుప్తావస్థుల దుస్స్వప్నాలఁ నర్తించింది

 

శతయుగాలకథలకు సాక్షులైన సప్తర్షుల

సాధకపిత్తం ఈ దృశ్యం జీర్ణించుకోలేకుంది

 

పూచీలేదని మంచువెనక దాగిన ధ్రువుఁడు

సీమస్థితులను కాలవ్రాయమని కాలాన్ని కోఱాడు

 

ప్రాణాయామం చేయబోయు వో యోగిని

పైప్రాణం పైకే పోతుందనిపించి విరమించింది 

 

దూరాన... ఎక్కడో...

గంగపైఁ గోదారిపైఁ పూలనావలలోఁ

డోలలూగే ఠాకూరు తిలకు ఆత్మలు

ఈ నగరబాలల కలుషితవర్తమానానికై

ఆ కవితాత్మకతక్షిప్తభవిష్యత్తునకై

ఓ లిప్తాకాలం విలపించి పరిత్యజించి

ఏ అలక్ష్యపరుషుణ్ణో ధ్యానించాయి


 
 

 

మీ అభిప్రాయాలు, సలహాలు మాకెంతో అవసరం. దయచేసి మీ అభిప్రాయం ఈ క్రింది పెట్టెలో తెలపండి.
(Please leave your opinion here)

పేరు
ఇమెయిల్
ప్రదేశం 
సందేశం
 
 





సుజనరంజని మాసపత్రిక ఉచితంగా మీ ఇమెయిల్ కి పంపాలంటే వివరాలు కింది బాక్స్‌లో టైపు చేసి
సబ్‍స్క్రైబ్ బటన్ నొక్కగలరు.

 

     

 

గమనిక: మీ విద్యుల్లేఖా చిరునామా ఎవరితోనూ పంచుకోము; అనవసర టపాలతో మిమ్మలను వేధించము. 
   మీ అభిప్రాయాలను క్లుప్తంగానూ, సందర్భోచితంగానూ తెలుపవలసినది.
(Note: Emails will not be shared to outsiders or used for any unsolicited purposes. Please keep comments relevant.)

 

 
Copyright ® 2001-2012 SiliconAndhra. All Rights Reserved.
   సర్వ హక్కులూ సిలికానాంధ్ర సంస్థకు మరియు ఆయా రచయితలకు మాత్రమే.                                                                                                Site Design: Krishna, Hyd, Agnatech